Եվրասիականները այս անգամ այցելեցին ԿԲ Դիլիջանի այցելուների կենտրոն, որտեղ ծանոթացան կենտրոնի գործունեության հիմնական ուղղություններին, տեղեկացան Հայաստանում և արտերկրում կրթություն ստանալու բազմաթիվ հնարավորությունների մասին:

Այցի ընթացքում կենտրոնի աշխատակիցները Հայկական դրամի թանգարանում ներկայացրին փողի, ինչպես նաև դրամի ծագման պամությունը և պատասխանեցին աշակերտների բազմաբնույթ հարցերին:

Ցուցադրությունների սրահում ներկայացված գումարի ձևափոխումների միջոցով եվրասիականները իմացան պատմական կարևոր իրադարձությունների, տարածաշրջանային հակամարտությունների, քաղաքական և տնտեսական փոփոխությունների մասին:

Վարժարանի դրամագիտության սիրահարները գնահատեցին Հայաստանի Հանրապետության թողարկած և երկրի քաղաքական ու մշակութային նշանակալից իրադարձություններին նվիրված հուշադրամներով դարակաշարերը, ինչպես նաև ծանոթացան Կենտրոնական բանկի կայացման և զարգացման գործընթացում նշանակալից դեր ոնեցած մարդկանց կյանքին ու գործունեությանը: Շրջայցը բավականին հագեցած էր և ուսումնաճանաչողական: