«Եվրասիա» միջազգային համալսարանի իրավունքի, քաղաքագիտության և միջազգային հարաբերությունների ամբիոնի նախաձեռնությամբ, «Եվրասիա» ավագ դպրոցի իրավագիտության ենթահոսքի աշակերտներն ու «Պատանի իրավաբանի», «Պատանի դիվանագետի» դպրոցների սաները հնարավորություն ունեցան մի քայլ ավելի մոտենալ Հայաստանի իրավական համակարգին՝ այցելելով Սահմանադրական դատարան:
Սահմանադրական դատարանի նախագահի խորհրդական Նաիրա Հովհաննիսյանը աշակերտներին մանրամասն ներկայացրել է Սահմանադրական դատարանի աշխատանքը և դրա էական դերը երկրի իրավակարգի ամրապնդման գործում:
Այցի ընթացքում շեշտադրվել է սահմանադրության գերակայության կարևորությունը ու իրավական ակտերի սահմանադրականության գնահատման գործընթացը, որոնք առանցքային են իրավական պետության կայացման համար։