«Սանսարայի ստվերը» ֆոտոնախագծի ցուցահանդեսը

Ֆոտոշարքը պատկերավորությամբ պատմում է մարդու կյանքի շրջափուլերի, այլ կերպ ասած՝ հոգու ճամփորդության մասին: Լուսանկարներում նույն ըտանիքի անդամներն են, սակայն տարբեր տարիքի, որոնց միջոցով էլ հեղինակը վեր է հանում դիմագծերի նմանությունն ու տարբեր սերունդների ցիկլիկ շարունակականությունը:

Հանդիպման ժամանակ Գայանեն պատմեց, թե քանի ամիս է աշխատել նախագծի վրա, ինչ դժվարությունների է հանդիպել և, թե ինչպես են ընտանիքները համաձայնվել մասնակցել նախագծի նկարահանումներին։

«Մենք տեսնում ենք, թե որքան ջերմություն, դրական էմոցիաներ կան սև և սպիտակ այս լուսանկարներում, որը հեղինկը փորձել է մեզ փոխանցել ընտանիքների միջոցով և այն իսկապես ստացված է։ Որոշ նկարներում Սանսարայի տեսության իրավացիությունը աչք է զառնում և ես տպավորված եմ այս աշխատանքներով»,-ողջույնի խոսքում նշեց ԵՄՀ ռեկտոր, աշխ․ գիտ․ դոկտոր, պրոֆեսոր Սուրեն Օհանյանը։

Լուսանկարների այս շարքը բացահայտորեն խոսում է նաև ծնող-զավակ կապվածության, նրանց փոխադարձ, անքակտելի ու վերերկրային սիրո, հարգանքի մասին: «Սանսարայի ստվերը» լուսանկարների ցուցահանդեսը ներկայացվել է ինչպես Մոսկվայում, այնպես էլ Ուկրաինայի Խարկով քաղաքում, երրորդ հանգրվանը Երևանն էր: