«Եվրասիա» ավագ դպրոցի սաները հերթական հետաքրքիր ու հիշարժան օրերն անցկացրին Գյումրիում՝ երկօրյա ճանաչողական այցի շրջանակում։
Ուղևորության ընթացքում աշակերտներն այցելեցին քաղաքի թանգարաններ և պատմական եկեղեցիներ՝ ծանոթանալով Գյումրու հարուստ պատմությանն ու մշակութային ժառանգությանը։ Օրվա ավարտին նրանց սպասում էր գիշերային Գյումրու զբոսանքը, որը հնարավորություն տվեց քաղաքը տեսնել բոլորովին այլ՝ լուսավոր ու աշխույժ միջավայրում։
Երեկոն շարունակվեց հյուրանոցում՝ ինտելեկտուալ խաղերով և տարբեր մրցույթներով, որոնք հետաքրքիր ժամանց ապահովեցին, նաև համախմբեցին աշակերտներին՝ ստեղծելով ավելի անմիջական շփման և թիմային աշխատանքի միջավայր։
Այս երկօրյա այցը ևս մեկ առիթ էր սովորելու դասասենյակից դուրս, բացահայտելու Հայաստանի մշակութային ժառանգությունը և միասին նոր հիշողություններ ստեղծելու համար։